Жұмекен ізімен квест ойыны

Сарыөзек орта мектебінде Қазақстан Республикасының Мемлекеттік Гимнінің сөзін жазған көрнекті ақын, жазушы **Жұмекен Нәжімеденовтің туғанына 90 жыл** толуына орай 5 "Ә" сыныбымен арнайы **квест ойыны** өткізілді.

Іс-шара барысында оқушылар ақынның өмірі мен шығармашылығына қатысты түрлі станциялардан өтіп, интерактивті тапсырмаларды орындады. Квест ойыны оқушылардың топтық жұмысын, логикалық ойлауын, танымдық қабілеттерін дамытуға бағытталды.

Шара мақсаты – ұлт руханиятына зор үлес қосқан тұлғаның өмір жолы мен еңбегін дәріптеу, оқушылардың патриоттық сезімін қалыптастыру болды. Іс-шара жақсы деңгейде өтіп, оқушылар белсенділік танытты.