Алматы қаласындағы Қонаев университетіне танымдық саяхат

Президентіміз Қ.К. Тоқаевтың 2025 жылды "Жұмысшы мамандықтарының жылы" деп жариялауына байланысты жүргізіліп жатқан іс-шараларды жүзеге асыру мақсатында және "Еңбегі адал жас өрең" жобасы аясында  10 "ә" сынып оқушылары Алматы қаласындағы Қонаев университетіне танымдық саяхатқа барды.

Саяхат барысында оқушылар университеттің білім беру бағдарламаларымен танысып, жұмысшы мамандықтарының маңызы мен қажеттілігі туралы ақпарат алды. Университеттің түрлі мамандықтар бойынша ұсынылатын курстары мен арнайы техникалық білім беру бағдарламаларына қызығушылық танытты. Сонымен қатар, олар университеттің зертханалары мен оқу орындарын аралап, болашақта жұмысшы мамандықтары бойынша білім алу үшін қандай мүмкіндіктер бар екенін зерттеді.