Аутодеструктивті балалар мен жасөспірімдерді «Тәуекел тобына» қою үшін келісім алу мақсатында ата – аналар / заңды өкілдер арасында ақпараттық – түсіндіру жұмыстарын жүргізу
Тақырыбы: Аутодеструктивті балалар мен жасөспірімдерді «Тәуекел тобына» енгізу үшін ата-аналардан/заңды өкілдерден келісім алу мақсатында ақпараттық–түсіндіру жұмыстарын жүргізу
Қатысушылар: 1–11 сынып білім алушыларының ата-аналары/заңды өкілдері
Жауаптылар: ДТЖО, сынып жетекшілер, педагог-психолог
Мазмұны:
Мектепте аутодеструктивті мінез-құлық белгілері байқалуы мүмкін балалар мен жасөспірімдерді анықтау, оларды дер кезінде психологиялық қолдауға бағыттау және «Тәуекел тобына» енгізу бойынша жұмыстарды ұйымдастыру мақсатында ата-аналар мен заңды өкілдер арасында ақпараттық–түсіндіру кездесуі өткізілді.
Жиналыс барысында:
аутодеструктивті мінез-құлықтың белгілері мен алдын алу жолдары түсіндірілді;
«Тәуекел тобына» енгізудің мақсаты, тәртібі және қолдау көрсету шаралары туралы ақпарат берілді;
мектеп психологы тарапынан көрсетілетін кеңес, диагностика және түзету жұмыстарының мазмұны айтылды;
ата-аналардың келісім беру тәртібі, құпиялылық сақталатыны және баланың психологиялық амандығының басты назарда екендігі түсіндірілді.
Ата-аналар ұсынылған ақпаратпен толық танысып, сұрақтарына жауап алды. Кездесу нәтижесінде «Тәуекел тобына» енгізуге келісім алу бойынша тиісті жұмыс жүргізілді.
