«Қайырымдылық – қадірлі іс» атты тақырыптағы мерекелік іс-шара

«Қазақстан халқына» қоғамдық қоры Қамқоршылық кеңесінің 2023 жылғы 15 мамырдағы № 35 шешімімен бекітілген балалардың жазғы демалысын қамтамасыз ету мақсатында «QH Жаздық Жолдама» қайырымдылық жобасы іске асуда. Осыған орай Наурыз мерекесі аясында 15 Наурыз – Қайырымдылық күні қарсаңында «Қайырымдылық – қадірлі іс» атты тақырыптағы мерекелік іс-шара және жолдамаларды табыстау рәсімі Күреңбел қазақ орта мектебі базасында өткізілді. Іс-шараға Кербұлақ ауданы бойынша білім бөлімінің бас маманы Сағатова Гүлжанат Базарбайқызы және Сарыөзек ауылдық округінің әкімі Баядилов Асқар Оңғарұлы қатысып, білім беру ұйымдарын құттықтады. Мектеп директоры Имуханбетова Салтанат Жалқынқызына 5 балаға сертификат табысталды.