10
май
2017
Сарыөзек орта мектебі-шағын орталықтың тарихы
Сарыөзек орта мектебі-шағын орталықтың тарихы
1978-1985 жыдары мектептің директоры болып Мартиросова Амалия Арамовна жұмыс істеді. Қазіргі мектеп ғимараты 1987жылы салынып бітіп, қазан айында Ұлы Октябрь революциясының
70 жылдығына орай ашылу рәсімі өтті. Мектеп көлемі - 5649 шаршы метр,үш қабатты, 24 оқу кабинеті бар. Бұл мектепті сол кездегі Қорғаныс Министрлігі салып, 372 Новгородтық дивизия атауын берді. Бұл мектеп қорғаныс министрліғінің құзырында болатын.
Осы кезден бастап 1991 жылға дейін мектепті Сырочева Людмила Яковлевна басқарды.
1991жылдан 1994жылға дейін мектеп директоры болып Береговой Владимир Васильевич жұмыс істеді.
1994 жылдың қыркүйек айынан бастап 2000 жылға дейін мектепті басқарған -Бірімжанов Талғат Шәріпұлы.
1995 жылы мектеп жергілікті әкімшілік құзырына өтті.Осы жылдардан бастап мектепте қазақ сыныптары ашылды.
2001-2003 жылдары мектеп директоры болып Әльмухамбетов Мәулен Бимакимұлы жұмыс істеді.
2003-2005 жылдары мектепті Нұрмухамбетов Сапар Жумабайұлы басқарды.
2005-2008 жылдары мектеп директоры болған Оңалбаев Байғали
Сейткалиұлы.
2008 жылдан мектепті басқарып отырған Қыстаубаева Камшат Болатқанқызы.
2010жылы Сарыөзек орта мектебінің сыртына күрделі жөндеу жүргізіліп,і,шатыры ауыстырылды, мектептің айналасы қоршалды.
2011 жылы ғимараттың іші толық күрделі жөндеуден өтті.
2010 оқу жылында мектеп жанынан «Балауса» шағын орталықтың ашылуына байланысты мектебіміздің атауы «Сарыөзек орта мектебі-шағын орталық »болып атауы өзгертілді.
Мектептің оқыту тілі-қазақ және орыс тілі. Оқушылар 29 класс комплектісіне бөлініп, 30 оқу кабинеттерінде екі ауысымда оқиды. Мектепте талапқа сай мәжіліс залы, спорт залы бар. Компьютерлермен жабдықталған бір информатика кабинеті, лингафонно-мультимедиялық және физика кабинеттері бар.
Мектебімізде бір кітапхана бар. Кітапхана қорында 21460 дана кітап бар. Оның ішінде мектеп оқулықтары 16828 дана. Жаңа буын оқулықтарының саны -14694.
Жалпы мектеп бойынша 244 электронды оқулық болса, соның ішінде әр пән бойынша қазақ тілінде шыққаны-97, ал қазақ тіліне арналғаны-27.
Мектеп кітапханасы оқушылар мен мұғалімдерге қызмет етеді.