15-мамыр Халықаралық Отбасы күні

15-мамыр Халықаралық Отбасы күні мерекесіне орай аудандық мәдениет үйінде «Отбасы –бақыт мекені» атты мерекелік кеш өткізілді. Мақсаты:  15-мамыр Халықаралық Отбасы күнін атап өту.  Ұлттық салт-дәстүрлерді сақтау, отбасы тәжірибесін насихаттау, балалар жылына орай дарынды, өнерлі балалардың шығармашылығын дәріптеу. Отбасындағы әке орнын, рөлін көрсете отырып,халықтық тәрбие негіздеріне тоқталу,үлкендерді сыйлауға, әкені пір тұтуға, әке мен ер азамат ұғымының мәнін ұғынуға тәрбиелеу.  Мерекелік кешке аудан әкімі Ғ.Сарыбаев, ақсақалдар кеңесінің төрағасы Бөкен Қабиұлы, аналар кеңесінің төрайымы Ғ.Ақбасова, ішкі саясат,мәдениет,спорт бөлімі басшысының орынбасары Ә.Әділханұлы, білім бөлімінің әдіскерлері,  аудан мектептерінің тәрбие ісі жөніндегі орынбасарлары , ата-аналар қатысты.  Мерекелік кеште спектакль декорациялары, электронды слайд-презентация, балалар шығармашылығынан суреттер, «Менің отбасым», «Менің әкем», «Менің анам» тақырыптарында шығармалар көрмесі ұйымдастырылды.